काठमाडौं : नेकपा (एमाले)का महासचिव शंकर पोखरेलले निर्वाचनको हारलाई निराशामा नभई संकल्पमा बदल्नुपर्ने बताएका छन्।

महासचिव पोखरेलले ‘निर्वाचनमा हारको पीडा नभए माथि उठ्न सकिँदैन’ भन्दै हारलाई निराशामा बदल्न नदिन पार्टी कमिटी र जनसंगठनहरूलाई सक्रिय रूपमा काम गर्न निर्देशन दिए। ‘हरेकले फेरि जित्छन्, त्यसका लागि संकल्प आवश्यक छ,’ उनले भने। पोखरेलले पछिल्लो निर्वाचन कुनै एक दलको मात्र हार नभई मूलधारका राजनीतिक शक्तिहरूका लागि चुनौती भएको टिप्पणी गरे। ‘यो नेपालका मूलधार दलहरूको पनि चुनौती हो,’ उनले भने।