काठमाडौं। मेडिकल व्यवसायी दुर्गा प्रसाईं विरुद्ध पर्सा जिल्ला अदालतमा अभियोग पत्र दायर भएको छ । सरकारी वकिल कार्यालयले सोमबार उनीविरुद्ध अभियोग पत्र दायर गरेको हो । उीनीविरुद्ध विद्युतीय (इलेक्टोनिक) कारोबार ऐन २०६३ अन्तर्गतको कसुर र राज्य विरुद्धको कसुरमा सजाय हुनुपर्ने मागदावी गरिएको छ ।
प्रसाईंले युट्युबमा महिलाहरूलाई लाञ्छना लगाएर अपशब्द बोलेको र राज्यका निकाय सेना र प्रहरीलाई होच्याउने अश्लील टिप्पणी गरेको अभियोगमा उल्लेख छ । प्रसाईँलाई जेठ ४ मा प्रहरीले वीरगन्जबाट पक्राउ गरेको थियो ।
