काठमाडौं । सूचना तथा सञ्चार मन्त्रालयले सार्वजनिक सेवा प्रसारण संस्थाको सञ्चालक समितिको रिक्त अध्यक्ष पदका लागि दरखास्त आह्वान गरेको छ ।
मन्त्रालयले आज (शनिबार) एक सूचना जारी गर्दै अध्यक्ष पदमा प्रतिस्पर्धात्मक प्रणालीद्वारा एक जना उम्मेदवार छनोट गरी नियुक्त गरिने जनाएको छ । इच्छुक योग्य व्यक्तिले यही जेठ १८ गते (सोमबार) कार्यालय समयभित्र आवेदन पेश गर्न मन्त्रालयले आग्रह गरेको छ ।
आवेदन फाराम, आवश्यक योग्यता, अनुभव तथा पेश गर्नुपर्ने कागजातसम्बन्धी विस्तृत विवरण मन्त्रालयको वेबसाइट तथा सार्वजनिक सेवा प्रसारण संस्थाको वेबसाइटमा उपलब्ध गराइएको मन्त्रालयले जनाएको छ ।
