काठमाडौं । इरानले हालको तनावमा पछि नहट्ने र क्षतिपूर्ति नपाएसम्म युद्ध जारी रहने बताएको छ ।
इरानी सर्वोच्च नेता मोज्तबा खामेनीका वरिष्ठ सैन्य सल्लाहकार मोहसेन रेजाईका अनुसार इरानमाथिको सबै आर्थिक प्रतिबन्धहरू हटाइनुपर्छ र अमेरिकाले भविष्यमा कुनै हस्तक्षेप नगर्ने दृढ ग्यारेन्टी दिनुपर्छ ।
सरकारी टेलिभिजनबाट जारी बयानमा रेजाईले इरानी सेनाले पूर्ण शक्तिका साथ कारबाही गरिरहेको र नयाँ सर्वोच्च नेता मोज्तबाको नेतृत्वमा दृढतापूर्वक परिस्थितिलाई सम्हालिरहेको बताए ।
इरानी संसदका सभामुख मोहम्मद बागेर गालिबाफले पनि देशका जनताले आक्रमणकारीहरूलाई पूर्ण सजायको माग गरिरहेको बताएका छन् ।
