काठमाडौं । रसुवाको भोटेकोशी नदीमा आएको आकस्मिक बाढीले उक्त क्षेत्रमा खटिएका २१ प्रहरीमध्ये १६ प्रहरी सम्पर्कविहीन भएका छन् ।
भोटेकोशी बाढीले अकल्पनीय क्षति भएको जानकारी दिँदै केन्द्रीय प्रहरी प्रवक्ता डीआईजी अविनारायण काफ्लेले टिमुरेबाट पाँच जना प्रहरी सम्पर्कमा आएको बताए ।
स्याफ्रुबेँसीमा ९ सहित रसुवागढी र मैलुङका प्रहरी पनि सम्पर्कमा नआएको उनले बताए ।
बाढीले प्रहरी कार्यालयमात्रै बगायो कि कर्मचारी पनि प्रभावित छन् भन्ने यकिन विवरण प्राप्त हुन नसकेको उनले बताए ।
