विराटनगर । विराटनगरस्थित मोरङ जिल्ला कारागारमा प्रहरीले सर्च अभियान सुरू गरेको विरोधमा कैदीबन्दी आन्दोलित भएका छन् ।
लागुऔषध लगायतका अवैध वस्तु लुकाएर राखिएको गोप्य सूचनाका आधारमा सोमबा बिहानैदेखि प्रहरीले खानतलासी गरेपछि कैदीले कारागारको छतमै टायर बाल्दै प्रदर्शन गरेका हुन् ।
उनीहरूले नाराबाजी समेत गरेका छन् । ब्लक तथा कक्षहरूमा सुरक्षाकर्मी पुगेर खानतलासी गरेका थिए । कारागार प्रशासनले ठूलो संख्यामा नेपाल प्रहरी र सशस्त्र प्रहरी बलका सुरक्षाकर्मी परिचालन गरेको छ ।
