काठमाडौँ । नेपाली काङ्ग्रेसका झन्डै ३ लाखले क्रियाशील सदस्यता अद्यावधिक गरेका छन् ।
‘जरा अभियान’अन्तर्गत गत वैशाख १ गते सुरु भएको सदस्यता अद्यावधिक सुरु गरेको थियो । पार्टी कार्यालयका कार्यवाहक मुख्यसचिव कृष्णप्रसाद दुलालका अनुसार, उक्त अभियानमा झन्डै ३ लाखले क्रियाशील सदस्यता अद्यावधिक गरेका छन् ।
क्रियाशील सदस्यता अद्यावधिक अभियान जारी रहेकै बेला कांग्रेसले नयाँ क्रियाशील सदस्यताको फारम खुला गरेको छ । क्रियाशील सदस्यता अद्यावधिक गर्न थप गरिएको समय सकिन दुई दिन मात्र बाँकी रहँदा कांग्रेसले नयाँ क्रियाशील सदस्यता खुला गरेको हो ।
