काठमाडौं । जन आकाश मिडिया प्रा.लि.को १९औँ वार्षिकोत्सवको अवसरमा भव्य विमोचनसहित ‘फूल भिरैमा’ बोलको नयाँ गीत सार्वजनिक भएको छ। माया, पिरती र मौलिक भावनालाई सुन्दर ढंगले प्रस्तुत गरिएको उक्त गीत Sacho Online TV अफिसियल युट्युब च्यानलमार्फत सार्वजनिक गरिएको हो।
गीतमा सुवास खड्का, बिनोद कार्की र शुसिला बिष्टको शब्द रहेको छ भने लोकप्रिय गायिका शुसिला बिष्ट र सुवास खड्काले सुमधुर स्वर दिएका छन्। प्रेमिल भावनालाई सरल, मिठासपूर्ण र आकर्षक शैलीमा प्रस्तुत गरिएको गीतका शब्द तथा संगीतले दर्शकलाई आकर्षित गराएको छ ।
विशेषगरी प्रेम र मायाका भावनालाई मौलिक शैलीमा अभिव्यक्त गरिएको ‘फूल भिरैमा’ ले पछिल्लो समय दर्शक–श्रोतामाझ चर्चा बटुलिरहेको छ। गीतको भाव, शब्द र संगीतको संयोजनले यसलाई प्रेमिल मनहरूका लागि अझ विशेष बनाएको छ।
गीतको भिडियोमा आयुषा राणा मगर, कृति श्रेष्ठ, यादब कार्की र बिनोद कार्कीको अभिनय रहेको छ। भिडियोमा मायाप्रेमसँग जोडिएका रमाइला, रोमान्टिक तथा आकर्षक दृश्यहरू समेटिएका छन्।
भिडियोको निर्देशन अर्जुन कटुवालले गरेका हुन्। गीतको भावअनुसार कलाकारहरूको अभिनय र आकर्षक दृश्य प्रस्तुतिलाई संयोजन गर्दै तयार पारिएको भिडियोले दर्शकलाई मनोरञ्जनसँगै प्रेमको मिठो अनुभूति गराउने विश्वास गरिएको छ।
मौलिक शब्द, सुमधुर स्वर, प्रेमिल भाव र आकर्षक भिडियोको संयोजनका कारण ‘फूल भिरैमा’ पछिल्लो समय चर्चामा रहेको गीतका रूपमा अगाडि बढिरहेको छ ।
