बुटवल : पाल्पाको रामपुरमा स्कुटर दुर्घटना हुँदा एक जनाको मृत्यु भएको छ । सो नगरपालिको ३ स्थित  भित्री कच्ची सडकमा भएको स्कुटर दुर्घटनामा  रामपुर नगरपालिका–३ बस्ने ७५ वर्षीय पदमबहादुर ठाडा मगरको मृत्यु भएको प्रहरीले  जनाएको छ । लुम्बिनी प्रदेश ०१–००४ प ८०३९ नम्बरको स्कुटर आफैँ अनियन्त्रित भई पल्टिएको प्रहरीले जनाएको छ।

दुर्घटनामा घाइते ठाडा मगरलाई रामपुर अस्पताल पठाएकोमा चिकित्सकले जाँच गरी मृत घोषणा गरेको जिल्ला प्रहरी कार्यालय पाल्पाका सूचना अधिकारी प्रहरी नायव उपरीक्षक सुनिल मल्लले बताए। दुर्घटनाका सम्बन्धमा  प्रहरीले थप अनुसन्धान गरिरहेको  उनले बताए।