सांसद र मन्त्री फरार सूचीमा, योभन्दा अर्को लुटतन्त्र के हुन सक्छ ? : राजेन्द्र लिङ्देन

  • प्रकाशित मिति : February 8, 2024
  • नयाँ सवाल

काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले राजनीतिक परिवर्तनको नाममा देश लुट्ने काम भइरहेको टिप्पणी गरेका छन्।

प्रतिनिधि सभाको बैठकमा बोल्दै सरकारले ठूलाठूला विकास निर्माण र प्रगतिको कुरा गरे पनि देश अगाडि बढ्न नभई पछाडि सरिरहेको बताए। देश भ्रष्टाचार र लुटमा मात्रै अघि बढिरहेको बताए ।

उनले भने- “भ्रष्टाचार कहाँ छ भने खोज्ने होइन, कहाँ भ्रष्टाचार छैन भनेर हेर्नुपर्ने अवस्था छ। सरकार सुशासन र प्रगतिका कुरा गर्छ। गणतन्त्र आएपछिका सरकारहरूका पालामा भ्रष्टाचार बढेको छ । एनसेल, टेरामक्स लगायतमा धेरै अनियमितता भएको छ । टेरामक्स ल्याउने र ल्याउन रोकेबापत पनि खाने, ओहो योभन्दा अर्को लुटतन्त्र के हुन सक्छ ? चार वर्षसम्म कुरा नटुंग्याउने ? सांसद र मन्त्री फरार सूचीमा राखिदिने ।”